Një veturë e ka goditur një person në rrugën “Xhevat Dogani” në Drenas, ku si pasojë e lëndimeve të marra i njëjti ka vdekur.

Lajmin për Arbresh.info e ka konfirmuar zëdhënësja e Policisë së Kosovës, Flora Ahmeti, e cila bëri të ditur  se vdekjen e viktimës e ka konstatuar ekipi mjekësor në QKUK, përcjell Arbresh.info.

Ahmeti tutje tha se ngasësja e automjetit që ishte e përshirë në këtë aksident është arrestuar.

“Rreth orës 10:40 kemi pranuar informatën se në rrugën “Xhevat Dogani”-Drenas, ka ndodhur një aksident trafiku me pasoja fatale. Në këtë aksident kanë qenë të përfshirë, një këmbësor dhe një veturë në lëvizje. Si pasojë e aksidentit lëndime të rënda trupore kanë pësuar këmbësori, i cili nuk ka arritë të përballojë plagët dhe i njëjti ka ndërruar jetë . Vdekjen e tij e ka konstatuar ekipi mjekësor në QKUK”.

“ Aktualisht policia ka nisë një hetim për zbardhjen e rrethanave që kanë quar deri te ky aksident trafiku, ndërkohë që ngasësja e automjetit të përfshirë në aksident është arrestuar”, tha Ahmeti./Arbresh.info/